Сириски работник во кинеската амбасада е полесно повреден кога од минофрлачки проектил беше погодено дипломатското претставништво во Дамаск, соопшти Министерството за надворешни работи во Пекинг.
Портпаролот на министерството Хонг Леи изјави дека Кина е шокирана поради нападот.
Два автомобили беа запалени кога проектилот вчера ја погоди амбасадата. Пред неколку дена проектили ги погодија и ирачката и руската амбасада во центарот на Дамаск.
Кина, Русија и Иран даваат поддршка за режимот на сирискиот претседател Башар ал Асад.
Хонг нагласи дека Кина ги повикува учесници во судирите во Сирија, да престанат со насилството и да започнат разговори за воспоставување мир.
Елена Георгиевска