Малезиски претставници ги предадоа црните кутии на холандските власти, кои ја предводат меѓународната истрага за падот на малезискиот патнички авион со 298 патници и членови на екипажот во Источна Украина, соопшти холандската Влада.
– Малезиски експерти ги предадоа црните кутии од летот МХ17 на Холандската комисија за безбедност, која ја предводи меѓународната истрага, се наведува во сопштението на холандското Министерство за надворешни работи.
Црните кутии се прадаени во Киев и ќе бидат префрлени во Велика Британија каде ќе се врши анализа на содржината.
Украина ја препушти на Холандија водечката улога во истрагата на причините за падот на малесизискиот авион, изјави холандскиот премиер Марк Руте, додавајќи дека првите тела на жртвите од авионската несреќа треба да стигнат денеска во Холандија.
Идентификувањето на жртвите, според холандскиот премиер, би можело да трае неколку недели или месеци. Во падот на малезискиот боинг на летот од Амстердам за Куала Лумпур минатата недела загинаа сите 298 патници и членови на екипажот.