Три месеци пред диверзантите да го бомбардираат гасоводот Северен тек, администрацијата на Бајден дознала од близок сојузник дека украинската војска планирала таен напад на мрежата на подводни гасоводи, користејќи мал тим нуркачи кои директно се пријавиле на главниот командант на вооружените сили на Украина, пишува Вашингтон пост.
Деталите за планот, кои претходно не беа откриени, беа собрани во извештај од разузнавање на европска држава и споделени со ЦИА во јуни 2022 година. Се споменуваат најдеталните докази кои ја поврзуваат украинската влада со можен напад на Северен поток во Балтичкото Море, кој американските и западните власти го нарекоа дрзок и опасен чин на саботажа на енергетската инфраструктура на Европа.
Извештајот, наводно, бил објавен на платформата Дискорд од Џек Тешеира, член на Воздушната национална гарда. „Вашингтон пост“ добил копија од еден од неговите пријатели, објави весникот.
Извештајот на разузнавањето е заснован на информации добиени од лице во Украина. Изворите не можеше веднаш да се потврдат, но според повеќе официјални лица запознаени со ова прашање, кои зборуваа за Вашингтон пост под услов да останат анонимни, ЦИА го споделила извештајот со Германија и другите европски земји минатиот јуни.
Високото ниво на детали, кое го вклучува бројот на оперативци и методи на напад, покажува дека западните сојузници имале причина да се сомневаат во Киев за саботажа речиси една година. Таа проценка само зајакна во последниве месеци кога германските истражители открија докази за бомбашкиот напад кој има изненадувачки сличности со она што европското разузнавање соопшти дека Украина го планира.
Официјални лица во повеќе земји потврдија дека резимето на разузнавањето објавено на Discord точно го опишува она што европското разузнавање и го кажало на ЦИА. „Вашингтон пост“ се согласи да го задржи името на европската земја и некои аспекти од планот на барање на владини претставници кои рекоа дека откривањето на информациите ќе ги компромитира изворите и операциите.
Украина, Белата куќа и ЦИА одбија да го коментираат ова.
Разузнавање на европса држава јасно стави до знаење дека напаѓачите не биле независни оперативци. Сите инволвирани директно му одговарале на генералот Валериј Залужни, највисокиот воен функционер на Украина, кому му беше доверено да ја води операцијата за да го спречи украинскиот претседател Володимир Зеленски да знае за тоа, се вели во разузнавачкиот извештај, според Вашингтон пост.
Одржувањето на Зеленски надвор од ќе му даде на украинскиот претседател убедлив начин да негира вмешаност во нападот, што можеше да предизвика гнев во јавноста и да ја загрози поддршката на Западот за Украина, особено во Германија. Имено, Германија пред војната половина од природниот гас добиваше од Русија и долго време се залагаше за проектот Северен тек и покрај противењето на другите европски сојузници.
Иако „Газпром“, рускиот државен гасен конгломерат, поседува 51 отсто од „Северен тек“, западните енергетски компании, вклучително германски, француски и холандски, се партнери и инвестираа милијарди во гасоводите. Украина долго време се противеше дека „Северен тек“ ќе и дозволи на Русија да ги заобиколи украинските гасоводи, лишувајќи го Киев од големиот транзитен профит.