Тајните служби на ЦИА користат четири објекти со моќни сервери, распоредени во Австралија, за да собираат информации, вклучувајќи и лични податоци преку Интернет, објави денеска австралискиот весник „Сиднеј морнинг хералд“.
Според поранешниот соработник на ЦИА Едвард Сноуден објектите се наоѓаат во градовите Алис Спрингс, Дарвин, Џералтон и во предградие на престолнината Канбера. Триесетгодишниот Сноуден работеше за американската Агенција за национална безбедност, која се занимава со електронска шпионажа.
Тој избега од САД во Хонгконг, за да ги обелодени тајните шпионски програми на ЦИА во САД и во целиот свет. Тој отпатува за Русија, за потоа да замине во држава која ќе му даде политички азил. Во моментот се уште се наоѓа во транзитната зона на московскиот аеродром Шереметјево.