Русија ќе стави вето на резолуцијата на Советот за безбедност на ОН за создавање специјален суд за падот на малезискиот авион МХ17, изјави рускиот амбасадор во СБ на ОН Виталиј Чуркин.
– Ќе гласаме против. Нема сомневање во тоа. Ако резолуцијата добие девет или повеќе гласови, ќе ставиме вето, рече тој.
Чуркин изјави дека е сигурен оти резолуцијата нема да биде усвоена и наведе дека оние кои се за нејзино усвојување „ќе се обидат да создадат нови несогласувања кои би можеле да имаат далекусежни последици по меѓународните односи“.