Најмалку четири лица загинаа денеска при експлозија на автомобил-бомба во главниот град на автономниот регион Ирачки Курдистан, Ербил.
Според локалните медиуми, бомбата експлодирала малку пред пладне по локално време, на главниот контролен пункт пред комплексот загради на регионалната влада.
Очевидци изјавија дека на местото на бомбашкиот напад има повеќе уништени и изгорени моторни возила, како и „многу крв на тротоарите“.
Војската на ирачките Курди и владата на Ирак во Багдад успеја да обезбедат предност на фронтот во судирите со џихадистите на Исламска држава (ИД), но Ербил досега беше целосно поштеден од било какви напади и улично насилство.
Овој град кој важи за центар на нафтата во Ирачки Курдистан, беше означуван како безбедно место за странските посетители.