Најмалку четири лица загинаа, а 22 други се ранети денеска при самоубиствен бомбашки напад врз конвој возила на силите на НАТО во авганистанкиот главен град Кабул, јави ДПА.
Авганистанкото Министерство за здравство соопшти дека сите жртви при нападот се Авганистанци, додавајќи дека нема информации за загинати или ранти меѓу припадниците на Алијансата.
При нападот, што се слулил во близина на Амбасадата на САД во Кабул, биле уништени или сериозно оштетени неколку цивилни возила.
Командата на Мисијата на НАТО во Кабул одби да го коментира случајот.
Досега никој не презеде одговорност за нападот.