Белгиската полиција денеска уапси четири лица во рамките на нова антитерористичка опарација, при која се претресени 22 објекти, соопшти Јавното обвинителство на Белгија.
Во соопштението се посочува дека на ниту една од претресените локации во Брисел, Антврепен и неколку помали градови, не е пронајдено оружје.
Операцијата е спорведена против мрежа за регрутирање на доброволци и нивно испраќање на боиштата во Сирија за да се борат на страна на џихадистите.
Обвинителството посочува дека денешната акција не е поврзана ниту со нападите во Париз на почетокот на овој месец, ниту со операцијата против терористите во Варвие кон средината на јануари.