Четиригодишната Абигејл Едан, најмладата киднапирана американка е меѓу ослободените

Од:

Абигејл Едан, 4-годишна американско-израелска државјанка, киднапирана од Хамас на 7 октомври, е во рацете на претставници на Црвениот крст, изјави висок американски функционер за Си-Ен-Ен.

Ова е прво успешно ослободување на американски заложник од почетокот на примирјето меѓу Израел и Хамас. Едан е една од 17-те што се ослободени денеска.

Едан остана сирак кога нејзините родители беа убиени од Хамас на 7 октомври, изјави семејството претходно за Си-Ен-Ен. Таа имала 3 години кога била киднапирана, а нејзиниот роденден поминал додека ја држеле во Газа.

Според официјални лица, Абигејл е најмладиот американски заложник.

Таа има 6-годишна сестра и 10-годишен брат, кои виделе како нивните родители се убиени на 7 октомври, изјави за Си-Ен-Ен Лиз Хирш Нафтали, пратетка на Едан. Се криеле во плакар 14 часа, вели таа.

Американскиот претседател Џо Бајден минатата недела им рече на новинарите дека „држи среќа“, Едан да биде меѓу заложниците кои наскоро ќе бидат ослободени.

Би можело да ве интересира

ВИДЕО: Американец до смрт ја претепал 5-годишната ќерка, телото го чувал во торба

Израел испраќа тим во Париз на мировни преговори, го предводи шефот на Мосад

ВИДЕО: Напад во Ерусалим, има мртви

(ВИДЕО) Иран ги трие рацете; Хутите ја запленија американската „жолта направа“

Девојче исчезна во Тексас на пат кон училиште, нејзиното тело е пронајдено во река

ВИДЕО: Неухранетоста и болестите ќе доведат до „експлозија на смртност“ кај децата во Газа