Бразилската војска заплени четири тони дрога, педесетина возила и 200 чамци кои ги користеле шверцерите на дрога, соопштија официјални претставници.
Тоа е резултат на воената операција која траела три седмици, а во неа учествувале 7.500 лица.
Акцијата е изведена во реонот на џунглата по должина на границата на Бразил со Перу и Боливија.
Ова е шеста слична операција на војската од почетокот на годината. Бразилската Влада соопшти дека целта на овие операции е поголема контрола во пограничните области.