Четири лица се повредени во руски воздушен напад во текот на ноќта.
Нападот предизвика пожар во приватна компанија и оштети неколку куќи во Харков, соопштија денеска украинските власти, пренесе Ројтерс.
Една 62-годишна жена е пренесена во болница, додека 66-годишен маж е повреден кога дел од уништениот руски дрон паднал и оштетил неколку куќи.
Службите за итни случаи реагираа брзо, а поради напад на руски дрон избувна пожар во приватна компанија во Харков, изјави градоначалникот Ихор Терехов на својот канал на Телеграм.
Исто така, при напад во областа Запорожје во југоисточна Украина, повредени се две жени и двајца мажи, изјави гувернерот на тој регион Иван Федоров. Русија, според него, извршила 362 удари врз населени места во последните 24 часа.