Специјалниот пратеник на САД за Украина и Русија, Кит Келог изјави дека Украина може да се подели „речиси како Берлин по Втората светска војна“, како дел од мировниот договор.
Келог предложи британските и француските војници да ги преземат контролните зони на западот на Украина, додека руската армија да остане на истокот на земјата, а меѓу овие зони да бидат украинските сили и демилитаризирана зона, пишува „Тајмс“.
Келог рече дека англо-француските сили на западната страна на реката Днепар, која ја дели Украина од север кон југ и тече низ Киев, нема да дејствуваат како „провокација“ за Москва.