Коалиционите партнери во актуелната Чешка Влада го поддржуваат предлогот за проширување на Кабинетот за уште оддел – Министерство за истражување и развој, јави дописникот на МИА од Прага.
Планот кој веќе е изработен од вицепремиерот од Христијанската и демократска унија- Чехословачка народна партија (КДУ-ЧСЛ), Павел Бјелобрадек треба биде разгледан од владиниот Совет за истражување, развој и иновации и за него да се изјаснат министрите.
– Една од препораките на меѓународните ревизија на чешката наука е централната власт и ние разгледувавме разни опции, а Министерството се покажа како технички најфункционален систем, изјави Бјелобрадек, кој е одговорен за секторот за наука, истражување и иновации.
Новиот ресор би подготвувал стратегија за Владата и предлог за вкупниот Буџет за научни истражувања кои се однесуваат за сите Министерства.
Според Бјелобрадек, потребно е да се направат законски измени за проширување на Кабинетот со уште едно Министерство за што веќе се разговарало со членовите на чешкиот Парламент.
Чешката Влада е составена од 15 министерства.