Чешка набавува 246 борбени возила, а Полска подморници

Од:

Земјите од источното крило на НАТО забрзано ги модернизираат своите армии по рускиот напад на Украина. Чешка ќе купи 246 борбени возила CV90 од Шведска за 2,5 милијарди евра, додека Полска најави дека оваа година ќе набави нови подморници од класата „Кит убиец“.

Чешка ќе купи 246 борбени возила CV90 од шведскиот производител BAE Systems со опрема и резервни делови заедно со обука на војници за 2,5 милијарди евра. Првите 10 возила ќе бидат испорачани во 2026 година, најави денеска во Прага премиерот Петр Фијала по владината седница.

Соседна Полска, по договорот главно со САД и Јужна Кореја за купување на американски тенкови „Абрамс“ и корејски К2 „Црн Пантер“, хаубици Рак и К9, американски повеќецевни фрлачи HIMARS и ĆUNMOO, борбени авиони ФА-50 и Американскиот Ф-35, се модернизира и полската морнарица со купување подморници.

„Ја започнуваме програмата „Кит убиец“. Веќе оваа година започнуваме со набавка на подморници со потребните технологии. Подморниците мора да можат да користат торпеда, но и проектили“, изјави денеска полскиот министер за одбрана Мариуш Блашчак, но не прецизираше колку и какви подморници сака да купи Полска оваа година.

Министерот Блашчак го оправда брзото вооружување на Полска со обидите на Русија да ја обнови својата империја.

„Таа империја отсекогаш била закана за слободниот свет. Без разлика дали била бела или црвена, како сега на Путин, таа секогаш постапувала на ист начин, правејќи воени злосторства“, рекол Блашчак.

Би можело да ве интересира

Девет државјани на Украина се повредени во сообраќајна несреќа во Полска

(ВИДЕО) Се урна авион во Полска, засега не се знае дали има преживеани

Полска се подготвува за голема војна

Приведено лице, претрес во Скопје, пронајдена пушка и муниција

Аларм во Полска: Сојузничките земји по втор пат подигнаа авиони во последните 24 часа

Горан Наумовски

Две третини од германскиот извоз на оружје отиде во Украина оваа година