Венецуелскиот претседател Уго Чавес го прослави 58-от роденден на предизборен собир во рамки на претседателската кампања, по што објави оти е излечен од рак.
Чавес се возеше одозгора на камионот и им мавташе на приврзаниците во сиромашниот дел на Каракас, Петареу. Тој ги прегрнуваше своите две ќерки на сцената и пееше и играше заедно со бендот. Неговите приврзаници му пееја: Среќен роденден.
„Сакам на сите да им се заблагодарам на пораките кои ми пристигнуваат. Успеав да дотуркам до 58, рече Чавес“, додавајќи дека по телефон го побарал Раул Кастро и оти се слушнал со сојузнциите во Боливија и Никарагва.
Чавес порано овој месец објави дека е излечен од рак по повеќемесечно лекување и шпекулации за тоа дали ќе биде во состојба да ја води предизборната кампања.