Цените на нафтата нагло паднаа, а азиските берзи пораснаа по извештаите за можен договор за прекин на американско-израелската војна со Иран, објавија денес британските медиуми.
Американскиот претседател Доналд Трамп изјави во саботата навечер дека договорот со Техеран е „во голема мера договорен“ и дека деталите наскоро ќе бидат објавени, но во неделата навечер го повика својот преговарачки тим да не брза со договор, објави Би-Би-Си.
Денеска, глобалната референтна цена на суровата нафта Брент падна за 5,5 проценти на 97,90 долари (78,07 евра), додека цената на американската сурова нафта падна за 5,8 проценти на 90,99 долари (78,11 евра).
Трамп претходно потврди дека договорот ќе вклучува повторно отворање на клучната бродска рута низ Ормутскиот теснец, без да даде дополнителни детали.
Овој тесен морски премин, низ кој нормално поминува околу една петтина од светската нафта и течен природен гас (LNG), е затворен откако започна конфликтот на 28 февруари.