Бројот на загинати во невремето во Тенеси и Мисури во САД се искачи на пет, а опасноста од торнада и поплави останува и денеска, пренесоа американските медиуми.
Осум лица се повредени низ американските сојузни држави Кентаки и Арканзас, јави телевизијата ABC.
Гувернерката на Арканзас Сара Хакаби Сандерс прогласи вонредна состојба во целата држава поради невремето, кое беше придружено со град и силен дожд.
Најмалку 20 торнада беа пријавени во средата од Арканзас до Индијана.