Бројот на загинати во земјотресот во Мјанмар се искачи на 2.056, а повредени се над 3.900 лица, соопшти денеска владејачката хунта во земјата.
Најмалку 270 лица се уште се водат како исчезнати. Според претходно објавениот биланс, има 1.644 загинати и 3.408 повредени.
Земјотресот бил почувствуван и во Тајланд.
Земјотрес со јачина од 7,7 степени според Рихтеровата скала го погоди Мјанмар околу пладне во петокот, проследен со бројни последователни потреси, меѓу кои и еден со јачина од 6,4 степени.