Британскиот премиер Борис Џонсон, ги осуди манифестациите на расизам на вчерашниот квалификацискиот натпревар за Светското првенство 2022 меѓу Унгарија и Англија (0:4).
– Неприфатливо е играчите на Англија да бидат расно навредени вчера за време на натпреварот во Унгарија. Барам од ФИФА да преземе акција за да се ослободиме од ова срамно однесување, напиша Џонсон на Твитер.
За време на натпреварот, цел на унгарските навивачи беа Џуд Белингем и Рахим Стерлинг. Средбата се одржа во Будимпешта на „Арена Пушкаш“.
За потсетување, во јули УЕФА ја казни унгарската репрезентација за однесувањето на навивачите за време на Еуро 2020 со два натпревари без гледачи со пробен период од две години.