Тело на маж е пронајдено во багажникот на авион на аеродромот Гетвик. Авионот летал од главниот град на Гамбија, Банџул, до аеродромот во Западен Сасекс.
„Ова е многу тажна вест и нашите мисли се со семејството и пријателите на починатиот“, изјави портпаролот на аеродромот Гетвик.
„Можеме да потврдиме дека истрагата е во тек“, додаде портпаролот на авиокомпанијата на која беше откриено телото.
Полицајците спроведуваат истрага и подготвуваат извештај за судскиот вештак, се вели во соопштението на полицијата во Сасекс. Портпаролот на владата на Гамбија изјави дека станува збор за неидентификуван Африканец.
Гамбија е оддалечена 4.444 километри од Обединетото Кралство, а летот обично трае околу шест и пол часа. Ова не е прв пат во Обединетото Кралство да биде пронајден мртов „слеп патник“.