Британското Министерство за одбрана во дневниот извештај за ситуацијата во Украина наведува дека обидот на Русија сериозно да го загрози украинскиот енергетски систем во текот на зимата најверојатно пропаднал. Русија спроведува напади со долг дострел од октомври 2022 година, но нападите од големи размери станаа ретки од почетокот на март.
Нападите од мали размери продолжуваат, но тие не треба да имаат големо влијание врз енергетскиот систем на Украина бидејќи компаниите што управуваат со мрежата успеваат да набават заменски трансформатори и други важни компоненти, според Министерството.
Транспортот и инсталирањето на овие компоненти е голем логистички предизвик, особено високонапонските трансформатори кои тежат најмалку 100 тони. Енергетската ситуација во Украина најверојатно ќе се подобри со доаѓањето на потопло време. Од Министерството претпоставуваат дека веќе се започнати плановите и подготовките за следната зима.
Latest Defence Intelligence update on the situation in Ukraine – 8 April 2023.
Find out more about Defence Intelligence's use of language: https://t.co/tAWpOI90dc
🇺🇦 #StandWithUkraine 🇺🇦 pic.twitter.com/HuTX7k2Vrm
— Ministry of Defence 🇬🇧 (@DefenceHQ) April 8, 2023