Велика Британија денеска даде „целосна поддршка“ на одлуката на чешката Влада да протера 18 руски дипломати, за кои смета дека се членови на разузнавачка служба.
„Велика Британија им дава поддршка на нашите чешки сојузници, кои открија до каде ќе оди ГРУ (руската воена разузнавачка служба) во обидите за извршување опасни и малигни операции, каде што го видовме врвот на моделот на однесување во нападот во Солсбери”, напиша на Твитер министерот за надворешни работи Доминик Раб.
Во Солсбери, во 2018 година, имаше напад врз Сергеј Скрипал, поранешен службеник за разузнавање на ГРУ и двоен агент, на кого, според тврдењата на британските власти, двајца агенти на ГРУ му ставиле нервен агенс „новичок“ на рачката на вратата на куќата.
Скрипал и неговата ќерка се разболеа, но се опоравија од нападот.