Претседателот на Бразил, Жаир Болсонаро објави дека е позитивен на коронавирусот.
„Тестирањето покажа дека сум позитивен,“ рече Болсонаро, кој за време на обраќањето носеше заштитна маска.
Тој се тестирал откако почувствувал некои од симптомите на Ковид-19, според Гардијан. Болсонаро во јавноста е познат како скептик кон самото постоење на вирусот, бидејќи во неколку изјави се потсмеваше и велеше дека вирусот не постои, а пред еден месец рече дека се работи за „мал грип“.
На своите приврзаници, кои се собраа пред претседателството, Болсонаро им кажа да не му приоѓаат.
Бразил се наоѓа на второто место во светот по бројот на заразени и починати лица како директна последица од смртоносниот вирус, веднаш по Соединетите Држави. Над 65.000 луѓе досега починаа во земјата од Ковид-19, а заразени се 1.65 милиони.
Првите луѓе на СЗО му посакаа брзо закрепнување на Болсонаро и му порачаа „сите сме ранливи на вирусот“.