Бразил денеска најави план вреден 27 милијарди долари за модернизација на пристаништата во државата заради стимулирање на економскиот раст.
Претседателката на Бразил Дилма Русеф соопшти за планот кој подразбира инвестиции од 15 милијарди долари за периодот 2014-2015 година и 12 милијарди во 2016-2017 година, на собир на кој присуствуваа министри и бизнис лидери.
– Програмата претставува повик до лидерите да вложат во модернизација и зголемување на капацитетот на пристаништата преку партнерство со државата. Ќе бидеме партнери бидејќи Владата и бизнис заедницата знаат дека ефикасни пристаништа се клучни за развој на државата, изјави Русеф.
Со планот се предвидени и 1,3 милијарди долари во подобрување на пристапот до пристаништата од копно, нов регулаторен систем, модернизација на администрацијата и погодности за инвеститорите.