Владата на Бразил упати поддршка за лидерот на опозицијата на Венецуела, Хуан Гуаидо, за соборување на претседателот Николас Мадуро, и ги повика другите држави да го сторат истото.
Бразилскиот претседател, Жаир Болсонаро, поранешен армиски офицер, на својот официјален налог на Твитер, напиша дека луѓето од Венецуела се „робови од диктатор” и дека ја поддржува „слободата за нашата сестринска нација конечно да стане вистинска демократија”.
Неговиот советник за безбедност, пензионираниот генерал Аугусто Хелено, изјави дека е шокиран од инсертите на оклопното возило на Националната гарда на Венецуела, кое очигледно влета во демонстрантите.
Тој рече дека ситуацијата не е јасна, поддршката на Гуаидо меѓу војската се чини дека е „слаба” и не е сигурно дали офицерите го напуштаат Мадуро.
Претседателскиот портпарол генерал Отавио Рего Баррос им изјави на новинарите дека Бразил целосно отфрла воена интервенција во Венецуела и не планира да дозволи која било друга земја да ја користи нивната територија за потенцијална интервенција кон својот сосед.