Високиот претставник на Европската унија за надворешна политика и безбедност Жозеп Борел денеска во телефонски разговор со албанскиот премиер Еди Рама оцени дека ЕУ интензивно сорабоува со Западен Балкан за решавање на влијанието на пандемијата на Ковид-19 врз општеството и економијата.
„Тие се согласија дека е потребна силна и координирана акција за да се спречи влијанието на оваа пандемија врз општеството и економијата“, се вели во соопштението на ЕУ.
Во соопштението се додава дека тој повторно изразил задоволство од одлуката на Советот на ЕУ за отворање преговори за пристапување со Албанија и Северна Македонија.
„Високиот претставник истакна дека ова е добра вест за овие земји, Западен Балкан и Европската унија“, се заклучува во соопштението.