Бомбаш-самоубиец изврши денеска напад врз канцелариите на курдската служба за безбедност во Североисточна Сирија. Загинале најмалку десет лица, соопшти Сирискиот центар за набљудување на човековите права.
Цел на нападот, извршен во градот Камишли, биле канцеларии на Асаиш, служба за внатрешна безбедност, формирана од автономните курдски власти во Северна Сирија.
Курдски претставници засега не можат да го потврдат бројот на жртвите.
Напаѓачот бил од „Исламска држава“ и разнел автомобил-бомба пред штабот на курдските сили за безбедност во Камишли, при што бројот на загинати е најмалку десет.