Се поголем станува бројот сопственици на луксузни недвижности во Франција, кои сакаат да го продадат својот имот и да се иселат во странство, за да го избегнат заострувањето на даночната политика.
Согласно најновите даночни измени, предвидено е за приходи поголеми од милион евра годишно, данокот да изнесува 75 отсто.
„Понудата на пазарот на луксузни недвижности од неодамна е збогатена за околу 400 до 500 недвижности поскапи од милион евра“, изјави претставник на агенцијата за луксузни недвижности, Даниел Фео.
Сепак, експертите од овој сектор наведуваат дека засега сеуште нема масовен егзил како во 1981 година по изборот на првиот социјалистички претседател Франсоа Митеран.