Американски судија го блокираше обидот на американската Влада да ја забрани кинеската апликација за плаќање и испраќање пораки ВиЧет (WeChat).
Судијката од Сан Франциско, Лорел Билер изјави дека забраната на оваа апликација иницира сериозни прашања во врска со Првиот амандман на американскиот Устав, кој гарантира слобода на говор, пренесува Би-Би-Си.
Таа го блокираше барањето на Министерството за трговија Епл и Гугл да го отстранат преземањето на апликацијата што требаше да се случи до синоќа.
Случајот дојде до суд откако група корисници на ВиЧет во САД ја оспорија извршната наредба на претседателот Доналд Трамп, кој се обиде да ја укине апликацијата во земјата.