Блинкен: Северен поток е спротивен на интересите на Европа

Од:

Државниот секретар на САД, Ентони Блинкен, денеска во Брисел го повтори ставот на САД дека изградбата на гасоводот „Северен поток“ од Русија до Германија е спротивна на интересите на Европската унија.

– Претседателот Џо Бајден беше многу јасен кога рече дека Северен поток е лоша идеја, лоша за Европа, лоша за САД, дека е спротивна на безбедносните цели на самата Унија, изјави Блинкен пред состанокот со министрите за надворешни работи на ЕУ.

Гасоводот „Северен поток 2“ ја заобиколува Украина, која е важен сојузник на Западот и може да ја зголеми енергетската зависност на ЕУ од Русија.

Тој потсети дека САД, според законот, мора да ги санкционираат компаниите што учествуваат во изградбата на гасоводот.

Американските санкции го блокираа завршувањето на тој гасовод долг 1.200 километри.

Германија, која ќе има најголема корист од проектот, гледа стабилен извор на енергија во рускиот гасовод. Сепак, САД и некои европски земји, како што се Украина, Полска и балтичките држави, стравуваат дека ова ќе ја заобиколи Украина, транзитна земја за дел од испорачаниот гас во Европа.

Државниот секретар на САД престојува во прва посета на НАТО. По пристигнувањето во Брисел, тој ја повтори посветеноста на САД за „обнова на алијансата“ и „ревитализација“ на НАТО.

Би можело да ве интересира

Блинкен: Путин ја уништи Украина, Русија мора да плати

(ВИДЕО) Шефовите на американската и украинската дипломатија јаделе пица во ресторан во Киев

Блинкен: Имаме докази дека Кина се обидува да се меша во нашите претседателски избори

Авионот на Блинкен приземјен поради дефект, тој продолжил кон Брисел со автомобил

Блинкен не можеше да се врати од Давос поради истекување на кислород во авионот

Блинкен и Лавров се разминаа во Скопје, САД и Русија спротивставени за иднината на ОБСЕ, за Украина, Балканот