Американскиот државен секретар Ентони Блинкен денеска разговараше со генералниот секретар на НАТО, Јенс Столтенберг за актуелните напори за зајакнување на источното крило на Алијансата.
– Блинкен повтори дека постои потреба за силен и обединет трансатлантски одговор на руската Влада во војната против Украина и ја поздрави работата на зајакнување на одбраната на НАТО, изјави портпаролот на Стејт департментот, Нед Прајс.
Тој исто така наведе дека Блинкен повтори дека САД силно го поддржуваат суверенитетот и територијалниот интегритет на Украина по „бруталната војна избрана од претседателот Путин“.
Извор: МИА