Американскиот државен секретар Ентони Блинкен изјави денеска дека САД не сакаат операциите на израелската армија во Либан да се претворат во долгорочна воена кампања.
„Израел мора да ги преземе неопходните чекори за да избегне цивилни жртви и да не ги загрозува мировниците на ОН или либанските вооружени сили“, рече Блинкен во Доха на заедничката прес-конференција со премиерот на Катар Мохамед Ал Тани.
Блинкен истакна дека САД „интензивно работат“ на дипломатско решение што ќе им овозможи на цивилите од двете страни на границата да се вратат дома, пренесува Ројтерс.