Билансот на загинатите во налетот на најсилниот тајфун, кој оваа година ги погоди Филипините достигна најмалку 82 лица, а уште 21 лице се водат како исчезнати.
Во лизгање на земјиште, предизвикани од поројните дождови загинаа најмалку 49 лица во градот Њу Батаан на островот Минданао, а уште 33 лица загинаа во различни населени места во провинцијата Источно Давао, изјави министерот за внатрешни работи Мануел Роксас.
Бофа достигна до источниот дел на островот Минданао вчера изутрината, проследен со ветрови кои достигнаа до 201 километри на час и поројни дождови. Тајфунот корнеше дрва и кровови на куќи, доведе до излевање на реки и предизвика лизгање на земјиштето.