Чеченскиот лидер Рамзан Кадиров изјави дека напад со беспилотно летало го погодил рускиот Универзитет за специјални сили Спецназ во градот Гудермес.
Кадиров на Телеграм изјави дека се запалил покривот на празна зграда во просториите на Универзитетот, именувана по рускиот претседател Владимир Путин, кој подоцна бил изгаснат.
„Нема жртви или повредени“, додаде Кадиров, посочувајќи дека властите го истражуваат инцидентот и се обидуваат да ги идентификуваат инволвираните во нападот.
Тој истакна дека сите служби на Универзитетот работат вообичаено.