Силвио Берлускони негира дека постои раздор во неговата партија Народ на слободата, ден откако морал да се откаже од барањата да ја урне владата.
-Гледам една апсолутно единствена партија со извесни внатрешни разлики-изјави тој.
Поранешниот премиер наиде на бројни критики поради обидот да повлече пет министри од својата партија од владата, па бил принуден да се откаже од спротивставувањето на претседателот на владата Енрико Лета.
Некои пратеници на партијата изјавија дека сакаат да се оделат од Берлускони и да основаат своја група.
Се очекува денес да се одржи седница на одборот на Сенатот, на која треба да се гласа за исклучување на Берлускони, на основа на тоа што е обвинет поради затајување на данок.
Елена Георгиевска