Поранешниот италијански премиер, Силвио Берлускони од наредната недела ќе започне да помага на старите лица во домовите и на тој начин ќе ја издржува судската казна, која што му е одредена.
Тој во Милано ја потпиша пресудата, со што официјално ги прифаќа условите кои му налагаат да извршува општествено-корисна работа, наместо да биде во домашен притвор, пренесе „Асошиејтед прес“.
Оваа општествено-корисна работа, седумдесет и седумгодишниот Берлускони би требало да ја извршува девет месеци, во Домови за стари лица.
Е. Г.