И покрај разговорите дека Европската Унија е уморна од украинскиот конфликт, неговото „замрзнување“ би било контрапродуктивен чекор и би предизвикал спротивен ефект, изјави германската министерка за надворешни работи Аналена Бербок.
„Замрзнувањето технички звучи речиси стерилно. Заедно со него би настанал тивок зимски период и тишина. Всушност, замрзнувањето на конфликтот би значело спротивна ситуација“, напиша Бербокова во авторска статија за изданието „Франкфуртер Алгемајне Цајтунг“.
Таа нагласи дека замрзнувањето за Украина би значело само губење на „суверенитетот и идентитетот“.