Амбасадорот на Украина во Белорусија беше поканет на интервју во Министерството за надворешни работи во Минск, што всушност е белоруска протестна нота упатена до Украина. Белорусија тврди дека денеска соборила украинска ракета.
Портпаролот на белоруското Министерство за надворешни работи, Анатолиј Глаз, вели дека белоруската страна овој инцидент го смета за исклучително сериозен, пренесува The Guardian.
„Бараме украинската страна да спроведе темелна истрага, да ги повика одговорните и да преземе сеопфатни мерки за да спречи повторување на такви инциденти“, рече Глаз.
Портпаролот на украинската армија всушност призна дека се работи за украински проектил. „Тоа не е ништо чудно, тоа е резултат на противвоздушна одбрана. Тоа се случи повеќе од еднаш“, рече тој.