Белгиската полиција во Антверпен заплени осум тони кокаин, вреден 500 милиони евра, што претставува најголем пратка фатена од полицијата досега во Европа.
Кокаинот е пронајден скриен во контејнер со банани од Еквадор наменети за мајмуните во зоолошката градина.
Детективите ги следеле осомничените криумчари до Ротердам, каде возачот на камионот е уапсен заедно со четворица Холанѓани кои помогнале робата да се истовари.
Кокаинот е откриен во понеделникот во белгиското пристаниште Антверпен, но царината дозволила бананите да стигнат до крајното одредиште во Ротердам.
Холандските и белгиските власти наведоа дека ова е досега најголемото количество запленета дрога во Европа.