Белгиското обвинителство побара саентолошката црква да биде прогласена за криминална организација.
Побарано е лидерите на оваа секта да бидат обвинети за изнудување, измама, кршење на законите за приватност и нелегално практикување медицина.
Белгискиот весник “De tijd” пишува дека судските покани се испратени на адресите на членовите на саентолошката црква.
Тужбите против саентолошката црква се произлезени од договорите за работа подготвени поради ангажирање волонтери и членови, со што наводно се повредени белгиските закони за вработување.
Во Белгија и во неколку други земји, саентологијата не е признаена како религија.
Во текот на 2008 година. белгиската Агенција за вработување се пожали на одреден број на договори во работата поради што е поведена истрага.
Судијата нареди претрес на локациите во сопственост на саентолошката црква на кои полицијата заплени голема количина на докази дека организацијата шпионирала и изнудувала пари од своите членови.