Белгиските десничари понудија награда од 250 евра за секој кој ќе пријави во полиција, жена која носи муслимански вел преку лицето.
Филип Девинтер, влијателен член на десничарската партија Vlams belang, рече дека полицијата станала поодлучна во врска со спроведување на законот кој ги забранува бурките.
„Тоа е затвор од текстил, за жените кои го носат“, изјавил Девинтер.
Жените во Белгија ризикуваат да бидат казнети со 150 евра доколку носат вел преку целото лице на јавни места.
Белгија и Франција ги забранија бурките минатата година.