Белата куќа денеска соопшти дека очекува руските власти да ги разгледаат сите можности за екстрадирање во САД на поранешниот консултант на Агенцијата за национална безбедност Едвард Сноуден, кој е обвинет за шпионажа.
Портпаролката на Советот за национална безбедност Кејтлин Хејден изјави дека САД преку дипломатски канали изразиле силно незадоволство пред властите на Хонг Конг и Кина, кои дадоа можност Сноуден да избега. Таквото однесување штети на билатералните односи на САД со Хонг Конг и Кина, нагласи Хејден.
Вчера Сноуден успеа да полета од Хонг Конг со авион на Аерофолт и да слета на московскиот аеродром „Шерметјево“. Сноуден нема руска виза и моментално се наоѓа во транзитната зона на аеродромот. Тој денеска се очекува да замине за Хавана, а од тамуза Каракас.