Шефот на израелската служба за надворешно разузнавање (Мосад), Дејвид Барнеа, денес изјави дека Израел му нанел „значајна штета“ на Иран за време на минатомесечната 12-дневна операција, но нагласи дека Ерусалим мора да ги продолжи своите операции против Исламската Република, според соопштението од Кабинетот на израелскиот премиер.
„Ние сме посветени на продолжување на решително дејствување за да се спречат идните ирански закани за Израел и да се стремиме да ги искористиме максимално стратешките можности што претстојат“, рече Барнеа за време на посетата на седиштето на Мосад од страна на израелскиот премиер Бенјамин Нетанјаху синоќа, објави „Тајмс оф Израел“.
Нетанјаху им кажа на раководството на Мосад дека нивната операција со пејџери и рачни радиоприемници против Хезболах во септември 2024 година „го предизвикала сè што се случило подоцна – елиминацијата на (лидерот на Хезболах Хасан) Насралах, падот на (сирискиот претседател Башар ал) Асад, а потоа и нашата заедничка операција за елиминирање на непосредната егзистенцијална закана“ во Иран, според соопштението од Кабинетот на израелскиот премиер.