Лидерот на опозицијата и син на поранешниот ирански шах во егзил, Реза Пахлави, го повика американскиот претседател Доналд Трамп да биде „подготвен да интервенира за да му помогне на иранскиот народ“.
Пахлави, кој живее во Вашингтон, побара помош од Трамп преку објава на мрежата X.
„Господине претседателе, ова е итен и непосреден повик за ваше внимание, поддршка и акција. Луѓето повторно ќе бидат на улиците за еден час. Ве молам помогнете“, напиша Пахлави.
Тој додаде дека ги повикал луѓето да излезат на улиците за да се борат за својата слобода и да ги „совладаат безбедносните сили со огромен број“, објавува Би-Би-Си.