Генералниот секретар на ОН Бан Ки мун ги повика денеска Северна и Јужна Кореја на дијалог и да ја запрат ескалацијата на тензиите на поделениот полуостров.
Портпарол на генералниот секретар соопшти дека Бан апелирал до двете страни да се воздржат од преземање понатамошни мерки кои би ги засилиле тензиите.
Бан наведува дека е длабоко загрижен поради ситуацијата на Корејскиот полуостров и повика на дијалог.
Претседателката на Јужна Кореја, Парк Геун-хје нареди армијата да биде подготвена за остри одговори во случај на нови провокации од северниот сосед.
До заострување на состојбата дојде вчера по размена на артилериски оган меѓу двете Кореи во западниот дел од демилитаризираната зона.