Генералниот секретар на Обединетите нации Бан Ки-мун денеска изрази загриженост поради ескалација на насилствата и бројот на жртвите во Сирија.
Канцеларијат на Генералниот секретар на ОН ги повика и сите страни во вооружениот конфликт да ги почитуваат обврските што произлегуваат од меѓународното право.
Предупредувајќи на зголеменото учество на Хезболах во судирите во Сирија и опасноста судирите да се прелеат во соседен Либан, Бан истакна дека е неопходно сите страни вклучени во судирите во Сирија да ги почитуваат обврските и да работат на решавање на ситуацијата.
Бан повторно изрази противење на странска воена интервенција во Сирија, нагласувајќи дека сите земји мора да го почитуваат интегритетот и суверенитетот на Сирија и нејзините соседи.
Генералниот секретар на ОН, исто така, нагласи дека подготовките на Меѓународната конференција за Сирија се во тек и ги повика сите субјекти да ја прекинат поддршката во Сирија и своите напори да ги фокусираат кон политичко решение на кризата во земјата.
Тој особено го истакна значењето на напорите за спречување прелевање на кризата во соседните земји и ги повика либанските лидери да останат надвор од конфликтот.