Генералниот секретар на ОН Бан Ки-мун остро го критикуваше сирискиот претседател Башар Асад што користи терористи како оправдување за убивање цивили и гранатирање села.
Бан Ки-мун рече дека сириската криза не почнала поради тероризам и поради тоа што Асад продолжил да го убива сопствениот народ, во метежот сега тоа го искористиле терористички елементи.
– Тој одамна можеше да го запре насилството и да започне политички дијалог. Меѓутоа, тој продолжи со убивање… и поради тоа народот, фрустриран и гневен, се бори против сопствената Влада, рече Бан.
Генералниот секретар го поздрави предлогот на опозицискиот лидер Муаз ал-Хатиб да започнат внатрешни преговори и изрази надеж дека на нив ќе се согласат сириските власти.