Азербејџан ги критикуваше изјавите што претседателката на Претставничкиот дом на САД, Ненси Пелоси, ги даде во врска со пограничните конфликти со Ерменија при нејзината посета на Ереван.
Според Баку, забелешките на Пелоси дека Азербејџан извршил „неосновано и неоправдано“ посегнување посегнување по ерменскиот суверенитет, нанеле сериозен удар врз мировните преговори со Ереван.
„Неоснованите и неправедните обвинувања на Пелоси против Азербејџан се неприфатливи“, соопшти азербејџанското Министерство за надворешни работи притоа посочувајќи ја претседателката на Конгресот на САД како „проерменски политичар“.
„Ова е сериозен удар за напорите за нормализирање на односите меѓу Ерменија и Азербејџан“, се вели во соопштението на Министерството.
Азербејџан нагласи дека неодамнешните оружени судири биле последица на „воена провокација од големи размери” од страна на Ерменија, што Ереван го негира.
Извор: МИА