Новоизбраниот американски претседател Џо Бајден ќе ja номинира припадничката на домородното население, конгресменката Деб Халанд (60), за член на неговиот кабинет.
Таа ќе врши надзор на агенцијата задолжена за управување и зачувување на поголемиот дел од сојузното земјиште и природните ресурси во земјата, вклучително и националните паркови и резерватите на староседелците.
Халанд, која е припадник на лагуната на Пуебло индијанците, го претставуваше првиот конгресен округ во Ново Мексико, кој го опфаќа Албукерки и други предградија, а од 2019 година претседава со поткомитетот за национални паркови, шуми и јавни земји во Претставничкиот дом.
Американските медиуми потсетуваат дека Халанд и Шарис Дејвис се првите припаднички на домородното население во Конгресот.
Таа за „Њујорк Тајмс“ изјави дека ќе и биде драго да биде дел од климатската агенда во тимот Бајден-Харис и на тој начин да и помогне на Владата да управува со односите со племињата и воедно да служи како прв член на кабинетот во историјата кој е и припадник на домородното население.