Бајден: Се надевам на прекин на огнот во Газа до Рамазан

Од:

Американскиот претседател Џо Бајден изјави дека се надева оти договорот за прекин на огнот меѓу Израел и милитантната група Хамас може да биде постигнат до светиот муслимански месец Рамазан, кој почнува на 10 март. Прашан дали очекува договор дотогаш, Бајден рече: „Се надевам дека е така. Сè уште многу работиме на тоа“, објави Би-Би-Си.

„Сè уште не сме го постигнале тоа“, им рече тој на новинарите додека ја напушташе Белата куќа во петокот. Изјавата на Бајден доаѓа во време на тензични разговори за прекин на огнот и кога се зголемува притисокот врз него да помогне во смирувањето на конфликтот. Предложениот договор предвидува 40-дневна пауза во сите воени операции од почетокот на Рамазан, како и зголемен проток на помош за Газа, изјави за новинската агенција Ројтерс извор близок до преговорите.

Тој, исто така, наводно ќе вклучува договор десет спрема еден за ослободување на палестинските затвореници во замена за израелски заложници. Муслиманскиот свет месец, во кој верниците постат од утро до зајдисонце, ќе започне на 10 или 11 март. Точниот почеток на Рамазан се одредува со првото гледање на полумесечината, така што може да варира од место до место.

Би можело да ве интересира

Израелците живеат во страв, одмаздата е неизбежна, САД ги предупреди своите граѓани

САД: Очекуваме Иран да го нападне Израел

Бајден е горд на проширувањето на НАТО до границите со Русија

ВИДЕО: Погодено возило на УНИЦЕФ на влезот на Газа

Хамнеи порача дека Израел мора да биде казнет, Кац се закани со жесток одговор

Катерина Ѓуровски

ВИДЕО: Бајден го нарече пристапот на Нетанјаху кон војната во Газа „грешка“

Катерина Ѓуровски